Ek haseen chehra……
Unka chehra mujhe is kadar se lagta hai,
Har ek kone se duniya ka aathwa azooba lagta hai,
Unki aankhien jaise nila gehra sagar ho,
Unki muskaan jaise aasma mein taare ujaagar ho.
Main kho gaya unki ghani julpho ki chhaoin mein,
Rehta hoon in dino main mohabbat ki gaon mein,
Yehi hai wo haseen chehra jispe hua main fida,
Main ab tumhe khud se na hone dunga juda…..
Mulaakat…… Sammy’s Dreamland ki…
Jabse maine dekha tumhe main ho gaya hoon diawana,
Log kahte hai mujhe pagal par main to hoon tera diwana.
Unki nili aankhoin mein main jab se dooba hua hoon,
Har subah-sham unhi ka chehra aankhoin mein sanjoye hua hoon.
Aaj unse meri baat hui Sammy’s Dreamland ki raahoin mein,
Ab har raat se subah hoti hai unse milne ke intezaar mein.
Jabse mere dil ne unke dil ko paya hai,
Tabse mere dilo-dimaag par ek suroor sa chhaya hai.
Kya hoga unka jawaab ye jane wahi ya phir khuda,
Logo karo ye dua ki hum ek duje se kabhi na ho juda…….
Meri Chemistry…….
Chemistry mere life mein ek important part rakhti hai,
Mere ujre hue armano ka ek systematic chart rakhti hai.
Ek din Laboratory mein nazar aayi ladki ek khoob si,
Cobalt se gulabi hoth, copper si nili aankhein aur nak test tube si.
Uski har sans mein to ester ki mithi baas thi,
Uski awaaz mein to glucose ki mithas thi.
Unse nazre mili mera ek reversible reaction hua,
Poori laboratory catalyst bani pyar ka production hua.
Phir to main uske aage pichhe ghumne laga aise,
Nucleus ke charo taraf electron ghumata hai jaise.
Main kuch dino tak yunhi uska man bahlata raha,
Project of love ka test bar-bar doharata raha.
Us din mere test ka confirmation tha,
Jab uske daddy ka mujhko invitation tha.
Meri baat sunkar wo yuin uchhal pade,
Ignition tube se jaise sodium ke piece nikal pade.
Chillakar bole pechano apni aukaat,
Iron kabhi nahi milta gold ke saath.
Aur unhone tod diya mere armano ke pyar ka beaker,
Main bhi chup raha Benzol Aldehyde ka karwa ghoot peekar.
Bina uske mera jeena mushkil ho gaya,
Uska baap beech mein Interfering Radical ho gaya.
Ab to meri jindagi ho gayi Unsaturated Hydrogen ki tarah,
Idhar-udhar ghoomata phirta hoon awaara Hydrogen ki tarah.
Sochata hoon na ye Chemistry hoti na main uska student hota,
Na ye Laboratory hoti na mera heart accident hota……
